Davlat aktivlari agentligi dehqon bozorlarini xususiylashtirish va modernizatsiya qilish jarayoni yuzasidan rasmiy tushuntirish berdi. Agentlikka koʻra, islohotlar bozorlarni yopish yoki ularning oʻrnida boshqa obyektlar qurishni emas, balki aholi uchun odatiy savdo maydonlarini saqlab qolgan holda infratuzilmani zamonaviylashtirishni koʻzda tutadi.
Soʻnggi paytlarda ijtimoiy tarmoqlarda dehqon bozorlarini xususiylashtirish va ularning kelgusi taqdiri haqida turli savollar hamda taxminlar koʻpaydi. Shu munosabat bilan Davlat aktivlari agentligi bozorlarni modernizatsiya qilish jarayoni qanday tamoyillar asosida amalga oshirilishi yuzasidan rasmiy tushuntirish berdi.
Asosiy maqsad — bozorlarning asl vazifasini saqlab qolish
- Xavfsizlik va gigiyena: Sanitariya-gigiyena sharoitlarini yaxshilash hamda zamonaviy xavfsizlik tizimlarini joriy qilish.
- Qulay muhit: Xaridorlar, fermerlar, dehqonlar va tadbirkorlar uchun munosib savdo sharoitlarini yaratish.
Xususiylashtirish qanday tartibda oʻtadi?
Jarayon davlat mulkini ommaviy sotishni anglatmaydi, balki har bir bozorning oʻziga xos jihatlaridan kelib chiqib, bosqichma-bosqich va manzilli tarzda olib boriladi. Qaror qabul qilishdan oldin ikkita muhim bosqich amalga oshiriladi:
- Har tomonlama tahlil: Obyektning holati, iqtisodiy salohiyati, ijtimoiy ahamiyati hamda aksiyadorlar huquqlariga oid qonunchilik talablari oʻrganiladi.
- Jamoatchilik fikri: Har bir bozorni realizatsiya qilishdan avval mahalliy aholi, tadbirkorlar va bozor ishtirokchilarining fikr-mulohazalari inobatga olinadi.
Alpha version: 0.9.1.19 build 112001 | Инструменты