"UzReport" axborot agentligi 1999-yildan beri faoliyat yuritib, O‘zbekiston Respublikasida keng ommaga mo‘ljallangan yirik axborot va yangilik manbalaridan biri hisoblanadi. 2024-yilda "UzReport" axborot agentligi O‘zbekiston jurnalistika va ommaviy axborot vositalari sohasidagi katta va muhim yutuqlari uchun nufuzli "Oltin Qalam" mukofoti bilan taqdirlandi. Ushbu mukofot O‘zbekistonning eng yuksak va nufuzli jurnalistik mukofotlaridan biri bo‘lib, soha vakillari orasida katta eʼtirofga ega. Agentlikning bu yutug‘i mamlakat ommaviy axborot vositalari rivojiga qo‘shgan ulkan hissasini yana bir bor isbotlaydi.

Mazkur axborot manbasi O‘zbekistonning iqtisodiy, texnologik, sanoat, siyosiy, ijtimoiy, madaniy va boshqa sohalaridagi yangiliklarni yoritib, har kuni nashr etiladigan muhim portal sifatida faoliyat olib boradi.

Portal sahifalarida biznes, texnologiya, muhandislik va boshqa sohalarga oid xolis tahlillar sohaning yetakchi ekspertlari tomonidan, ularning boy tajribasiga asoslangan holda tayyorlanadi. Mazkur ekspertlarning materiallari tahririyat vakillari tomonidan atroflicha tahlil qilinib, nashrga chiqarilishidan oldin qayta tekshiruvdan o‘tkaziladi va qabul qilish masalasi bo‘yicha qaror chiqariladi. Shuningdek, banklar, birjalar, sug‘urta, qimmatli qog‘ozlar bozori, respublikada eʼlon qilingan tenderlar va auksionlar, o‘tkazilayotgan ko‘rgazmalar va forumlar haqidagi batafsil hamda keng qamrovli maʼlumotlar muntazam ravishda taqdim etiladi.

«UzReport» AA har bir inson uchun qiziqarli mavzularni keng qamrab oluvchi axborot manbasi sifatida faoliyat ko‘rsatadi. Turli platformalarimiz orqali keng ommadan tortib, tadbirkorlar, sanoat mutaxassislari, yetakchilar va boshqa soha vakillari uchun dolzarb yangiliklar va tahlillar taqdim etiladi.

Axborot agentlikning yangiliklar veb-sayti hozirda yiliga taxminan 2,5 million tashrifchini jalb etadi, uning YouTube, Facebook, Telegram, Instagram va Twitter sahifalari esa jami qariyb 1 million obunachiga ega.

Bundan tashqari, "UzReport" TV axborot tarmog‘i O‘zbekiston bo‘ylab barcha hududlarni qamrab oluvchi eng yirik nodavlat axborot resursi bo‘lib, ushbu kanal mamlakatning har bir fuqarosi uchun keng ko‘lamli axborot yetkazish imkoniyatiga ega.

"UzReport" AA O‘zbekistonning markaziy telekanallarida va Toshkent kabel televideniyesi studiyalarida reklamani joylashtirish bo‘yicha kompleks takliflarni amalga oshiradi, matbuot anjumanlari, brifinglar, taqdimotlar tashkil qilish, media-bozor tadqiqoti bo‘yicha tahliliy hisobotlarni tuzish bo‘yicha va boshqa xizmatlarni ko‘rsatadi.

Ushbu yangiliklar portali yetakchi milliy va xalqaro axborot agentliklari bilan o‘zaro axborot yetkazib berish to‘g‘risidagi bitimga ega.

Ijtimoiy tarmoqlar va messenjerlardagi bizning rasmiy sahifalarimiz:

UzReport axborot agentligi:

Facebook - www.facebook.com/UzReport

Telegram - www.t.me/UzReport

Twitter - www.twitter.com/uzreport

UZREPORT TV telekanali:

Facebook - www.facebook.com/uzreport.tv

YouTube - www.youtube.com/uzreport

FUTBOL TV telekanali:

Facebook - www.facebook.com/futboltv.uz/

YouTube - www.youtube.com/futboltv_uz

Telegram - t.me/UZREPORT_FTV