Huawei 1
Armaniston Ozarboyjon bilan kelishuvlar doirasida o‘z Konstitutsiyasini o‘zgartirish majburiyatini olmagan -Armaniston TIV

Armaniston Ozarbayjon bilan kelishuvlar doirasida Konstitutsiyani o‘zgartirish majburiyatini olmagan. Bu haqda mamlakat Tashqi ishlar vaziri Ararat Mirzoyan maʼlum qildi.

“Konstitutsiya Vashingtonda muhokama qilinmadi va konstitutsiyamizni o‘zgartirish bo‘yicha uchinchi davlat oldida hech qanday majburiyatimiz yo‘q”, dedi Mirzoyan.

Armaniston konstitutsiyasida 1990 yilgi Mustaqillik deklaratsiyasiga havola mavjud bo‘lib, unda “Armaniston SSR va Tog‘li Qorabog‘ni birlashtirish to‘g‘risida”gi rezolyutsiya eslatib o‘tilgan. Ozarbayjon ushbu bandni hududiy daʼvo deb hisoblaydi va uni chiqarib tashlashni talab qiladi.

Armaniston hukumati konstitutsiyaning yangi matnini hozirdanoq tayyorlamoqda, u referendumda bir yildan keyin tasdiqlanishi kerak. Shu bilan birga, Armaniston Bosh vaziri Nikol Pashinyan bu chora Ozarbayjon talablari tufayli emas, balki yangi geosiyosiy sharoitlar tufayli zarurligini tushuntirdi.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 82822 | Инструменты