PISA-2025: O'zbekistonlik o'quvchilar 3 yilda 32 ta o'rin balandlab yaxshi natijalar ko'rsatishdi

O'zbekiston Iqtisodiy hamkorlik va taraqqiyot tashkiloti tomonidan 91 ta davlatda o'tkazilgan PISA 2025 xalqaro baholash dasturida 2-marta ishtirok etdi. Bugun uning natijalari e’lon qilindi. Bu haqda maktab va maktabgacha ta'lim vazirligi ma'lumot berdi. 

Unga ko'ra, xalqaro tashkilot tomonidan tasodifiy tanlab olingan 233 ta maktabning 8 652 nafar 15 yoshli o‘quvchilari ishtirok etgan. Unda tabiiy fanlar bo‘yicha O‘zbekiston o‘quvchilari 438 ball to‘plab, 48-o‘rinni egalladi.

Taqqoslash uchun, PISA 2022da tabiiy fanlar bo‘yicha natija 355 ball va 80-o‘rinni tashkil etgan. Shu tariqa, 2025-yilda natija qariyb 83 ballga oshgan.

Ma'lumot o'rnida, PISA 2025da asosiy yo‘nalish sifatida tabiiy fanlar savodxonligi belgilangan. O‘zbekistonlik o‘quvchilarning ushbu yo'nalishda natijalari o‘sdi.

PISA 2025 tadqiqotida 2-daraja bazaviy daraja hisoblanadi. Bu daraja o‘quvchining kundalik hayotda zarur bo‘lgan asosiy bilim va ko‘nikmalarni qo‘llay olishini anglatadi. Bazaviy daraja va undan yuqori natija ko‘rsatganlar 2022-yil — 19% bo'lgan bo'lsa, 2025-yil — 65% ga ya'ni 46% o‘sishdi

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 90816 | Инструменты