JSST: dunyoda 240 millionga yaqin o‘smir yetarlicha jismoniy faol hayot kechirmaydi
Hisob-kitoblarga ko‘ra, dunyoda 11–17 yoshdagi qariyb 240 million o‘smir, ya’ni ularning har to‘rt nafaridan biri so‘rovda baholangan haftaning hech bir kunida yetarlicha jismoniy faol bo‘lmagan. Bu ularning umuman harakat qilmaganini anglatmaydi. 


Gap kun davomida faol harakatga sarflangan jami vaqt xususida bormoqda. Haftaning barcha yetti kunida kamida 60 daqiqadan faol bo‘lgan o‘smirlar ulushi esa 14 foizni tashkil etgan.


Nega bu biz uchun muhim?

Muntazam jismoniy faollik bolalarning suyak va mushaklari rivojlanishini, yurak-qon tomir salomatligini qo‘llab-quvvatlaydi. Shuningdek, fikrlash va o‘rganish qobiliyatiga, ruhiy salomatlikka ijobiy ta’sir ko‘rsatadi.

Xo‘sh, bola kun davomida qancha va qanday harakat qilishi kerak? JSST bu borada quyidagilarni tavsiya etadi.

5–17 yoshdagi bolalar va o‘smirlar kuniga kamida bir soat o‘rtacha yoki yuqori darajada jismoniy faol bo‘lishi lozim. Faollikning asosiy qismini yurak urishi va nafas olishni tezlashtiradigan aerob harakatlar tashkil etishi kerak. Haftasiga kamida uch kun mushak va suyaklarni mustahkamlovchi mashqlar bilan shug‘ullanish muhim.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 111821 | Инструменты