Turkiyada muxolifat namoyishlari uchun o'n minglab odamlar ko'chalarga chiqdi
Anqarada muxolifatdagi Jumhuriyat xalq partiyasi tarafdorlarining keng ko‘lamli namoyishi bo‘lib o‘tdi. Ular Turkiya prezidenti Rajab Toyyib Erdo‘g‘anning iste’fosini talab qilishdi.
14-sentabr, yakshanba kuni Turkiyaning eng yirik muxolifat kuchi – Respublika Xalq partiyasi (CHP)ning o‘n minglab tarafdorlari Anqara ko‘chalariga chiqdi. Reuters xabariga ko‘ra, namoyishchilar Turkiya prezidenti Rajab Toyyib Erdo‘g‘anning iste’fosini talab qilib, shiorlar bilan chiqishgan.
Norozilik 2023-yil noyabrida O‘zg‘ur O‘zel partiya yetakchiligiga saylangan CHP qurultoyi natijalarini bekor qilish yoki yo‘q qilish masalasini ko‘rib chiqish uchun 15 sentabr kuni bo‘lib o‘tadigan sud majlisi oldidan bo‘lib o‘tdi. Agar sud CHP qurultoyi natijalarini haqiqiy emas deb topsa, O‘zel o‘z lavozimidan chetlatilishi mumkin, bu esa Turkiyada 2028 yilgi prezidentlik saylovlari vaqtiga ta’sir qilishi va mamlakatning asosiy muxolifat partiyasida o‘zgarishlarga sabab bo‘lishi mumkin, deya qayd etadi Reuters.
"Bu siyosiy masala. Ayblovlar tuhmat. O'rtoqlarimiz begunoh. Bo'layotgan narsa bo'lajak prezidentga, bo'lajak hukumatga qarshi qaratilgan to'ntarish. Biz qarshilik qilamiz", - dedi O'zel mitingda so'zga chiqib.
.png "YouTube UZREPORT TV")
