Suriya As-Suvaydadan qo'shinlarini olib chiqib ketdi
Faollarga ko‘ra, Suriya janubida druzlar va badaviylar o‘rtasidagi mojaro avj ola boshlaganidan beri 350 dan ortiq odam halok bo‘lgan.
Suriya hukumati 16-iyul, chorshanba kuni kechqurun mahalliy etnik jamoalar o‘rtasidagi qurolli to‘qnashuvlar tufayli mamlakat janubi-g‘arbidagi As-Suvayda shahridan armiya bo‘linmalarini olib chiqib ketayotganini ma’lum qildi. Hukumat qoʻshinlarining mintaqadan olib chiqilishi druzlar bilan tuzilgan oʻt ochishni toʻxtatish kelishuvining bir qismidir, dedi Damashq.
OAV xabarlariga ko‘ra, qo‘shinlar olib chiqilgach, davlat xavfsizlik kuchlari mintaqada qoladi – ular As-Suvayda yaqinidagi yo‘llarni nazorat qiladi. O‘t ochishni to‘xtatish to‘g‘risidagi kelishuv, shuningdek, chegara mintaqasida mojaro avj olishining so‘nggi bosqichida sodir etilgan qoidabuzarliklarni tekshirish uchun druzlar va rasmiy Damashq vakillarining qo‘shma qo‘mitasini tuzadi.
11-iyuldan beri davom etayotgan tartibsizliklar chog‘ida qo‘lga olingan druzlar va badaviylar ozodlikka chiqarilishi va to‘qnashuvlar chog‘ida bedarak yo‘qolganlar topilishi va’da qilingan. "Biz jinoyat sodir etgan va bizning druzlarni haqorat qilganlarni javobgarlikka tortishga intilamiz, chunki ular davlat himoyasi va mas'uliyati ostida", - dedi Suriyaning muvaqqat prezidenti Ahmad al-Shara.
.png "YouTube UZREPORT TV")
