Statistika agentligi maʼlumotlariga ko‘ra, 2024 yil yanvar-fevral oylarida 363,4 ming nafar Tojikiston fuqarolari turistik maqsadlarda O‘zbekiston Respublikasiga kelgan.
Bu ko‘rsatkich o‘tgan yilning mos davri bilan solishtirilganda 74,3 ming nafarga yoki 25,7 % ga oshgan.
2024-yilning dastlabki ikki oyida O‘zbekistonga kelgan Tojikiston fuqarolarining safar maqsadlari quyidagicha:
qarindoshlarni yo‘qlash – 338,7 ming nafar;
sayyohlik – 9,8 ming nafar;
davolanish – 8,7 ming nafar;
xizmat yuzasidan – 3 ming nafar;
tijorat – 2,9 ming nafar;
o‘qish – 298 nafar.