Ronaldu Forbes talqini bo'yicha 2024-yilda eng ko'p maosh oluvchi sportchilar ro'yxatida birinchi o'rinni egalladi

Saudiyaning "Al-Nasr" klubi hujumchisi Krishtianu Ronaldu Forbes jurnali talqiniga ko'ra 2024-yilda dunyoning eng ko'p maosh oluvchi sportchilari reytingida birinchi o'rinni egalladi.

Nashrning yozishicha, 39 yoshli portugaliyalik bir yilda 260 million dollar ishlab topgan, shundan 200 million dollari “Al-Nasr”dagi yillik maoshi, 60 million dollari esa reklama shartnomalaridan tushgan daromaddir.

Ikkinchi o‘rinni 218 million dollar daromad bilan 29 yoshli ispaniyalik golfchi Jon Ram egalladi (ish haqi – 198 million dollar), kuchli uchlikni “Inter Mayami” futbolchisi Lionel Messi (135 million dollar, maoshi – 65 million dollar) yakunladi.

Eng yaxshi 10 talikka quyidagilar kiradi:

4. LeBron Jeyms (basketbol, Los-Anjeles Leykers) – 128,2 million dollar (maosh – 48,2 million dollar)

5. Jannis Antetokounmpo (basketbol, Miluoki Bucks) – 111 million dollar (maosh – 46 million dollar)

6. Kilian Mbappe (futbol, PSJ) – 110 million dollar (maosh – 90 million dollar)

7. Neymar (futbol, Al-Hilol) - 108 million dollar (maosh - 80 million dollar)

8. Karim Benzema (futbol, Al Ittihod) - 106 million dollar (maosh - 100 million dollar)

9. Stiven Karri (basketbol, Golden State Warriors) – 102 million dollar (maosh – 52 million dollar)

10. Lamar Jekson (Amerika futboli, Baltimor) - 100,5 million dollar (maosh - 98,5 million dollar).

Ma'lumot o'rnida, joriy mavsumda Ronaldu “Al-Nasr” safida 41 ta o‘yinda maydonga tushib, 42 ta gol urdi.