Huawei 1
Zelenskiy O‘zbekiston, Eron va Xitoy kompaniyalariga qarshi sanksiyalar kiritdi

Ukraina Prezidenti Vladimir Zelenskiy O‘zbekiston, Eron va Xitoy kompaniyalariga qarshi sanksiyalar kiritdi. “Qora ro‘yxat” Ukraina davlat rahbarining №301/2025 farmoni bilan tasdiqlandi.

Ma’lumotlarga ko‘ra, jami 58 nafar jismoniy va 74 nafar yuridik shaxsga nisbatan jazo choralari qo‘llanilgan, ulardan 67 nafari harbiy texnologiyalarga tegishli. Bundan tashqari, hujjatda O‘zbekistonning uchta, Eronning va Xitoyning bittadan kompaniyasi nomi tilga olingan.

O‘zbekistondagi quyidagi korxonalar “qora ro‘yxat”ga tushgan:

  1. “Farg‘ona kimyo zavodi” MCHJ (Farg‘ona)
  2. “Raw materials cellulose” MCHJ (Jizzax)
  3. “Mercury Renaissance” MCHJ QK (Toshkent)

Shuningdek, o‘zbekistonlik Rustam Mo‘minov ham Ukraina sanksiyalari ostida qolgan.

Sanksiyalarning asosiy cheklovlariga quyidagilar kiradi:

  • savdo operatsiyalarini to‘liq tugatish;
  • resurslar tranziti, reyslar va Ukraina hududi orqali tashishni cheklash yoki to‘liq to‘xtatish;
  • kapitalni chet elga olib chiqishni taqiqlash;
  • iqtisodiy va moliyaviy majburiyatlarni to‘xtatib turish;
  • texnologiyalar va intellektual mulk huquqlarini uzatishni taqiqlash;
  • Ukrainaga kirish vizalarini bekor qilish va boshqa cheklovlar.
Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 51021 | Инструменты