Tramp: Aftidan, Putin kelishuvga erishmoqchi
Tramp Vitkoff va Kushnerning Putin va uning yordamchilari bilan Moskvadagi uchrashuvini “juda yaxshi” va “juda muvaffaqiyatli” deb atadi. Biroq, AQSh prezidenti muzokaralardan nima chiqishini hozircha "ayta olmasligini" aytdi.
AQSh prezidenti Donald Tramp o‘z vakillari Stiven Vitkoff va Jared Kushnerning Rossiya prezidenti Vladimir Putin va uning yordamchilari bilan Moskvadagi uchrashuvi “juda muvaffaqiyatli” bo‘lganini ma’lum qildi. Bu haqda Amerika yetakchisi 3-dekabr, chorshanba kuni Oq uyda jurnalistlar savollariga javob berar ekan.
"Oʻylaymanki, ular kecha prezident Putin bilan juda yaxshi uchrashuv oʻtkazishdi. Bu nima boʻladi? Ayta olmayman, chunki tangoga ikki kishi kerak boʻladi. <...> Lekin menimcha, biz ular bilan juda yaxshi ishladik — biz juda mamnunmiz", — dedi Tramp AFP jurnalistining savoliga javoban. Prezident, shuningdek, u telefon orqali gaplashgan Vitkoff va Kushnerda Putin “kelishuvga erishmoqchi”, “urushni tugatish” va “oddiy hayotga qaytish” haqida “kuchli taassurot qoldirganini” aytdi.
Ukraina masalasiga kelsak, Tramp mamlakat vakillari AQShning tinchlik rejasiga nisbatan “juda ijobiy” ekanini aytdi. U, shuningdek, Ukraina rasmiylari fevral oyida Ukraina prezidenti Vladimir Zelenskiy bilan Oq uyda uchrashuvi chog‘ida kelishuvga rozi bo‘lishi kerakligini ta’kidladi. “Sizda kartangiz yo‘q”, dedim. Keyin muzokaralar vaqti keldi”, — deya qo‘shimcha qildi Amerika yetakchisi.
.png "YouTube UZREPORT TV")
