Putin 2-dekabr kuni Moskvada Stiven Vitkoff bilan uchrashadi
Moskva tinchlik tashabbusini muhokama qilish uchun AQSh maxsus vakilining tashrifiga tayyorgarlik ko'rmoqda. Kreml muzokaralar yakunlari bo‘yicha qo‘shma bayonot chiqarish imkoniyatini ko‘rib chiqmoqda.
2-dekabr kuni tushdan keyin Moskvada Rossiya prezidenti Vladimir Putin va AQSh prezidentining maxsus vakili Stiven Vitkoff o‘rtasidagi uchrashuv bo‘lib o‘tadi.Bu haqda 1-dekabr, dushanba kuni prezident matbuot kotibi Dmitriy Peskov ma’lum qildi.
Peskovning aniqlik kiritishicha, Putin 1-dekabr kuni Rossiya-Amerika muloqotiga tayyorgarlik doirasida bir necha shaxsiy uchrashuvlar o‘tkazadi. Shuningdek, u muzokaralar yakunlari bo‘yicha qo‘shma bayonot berilishi mumkinligini ham inkor etmadi.
AQShning Ukraina bilan aloqalari
Bir kun avval, joriy yilda Putin bilan bir necha bor uchrashgan Vitkoff Floridada AQSh delegatsiyasi va Ukraina vakillari o‘rtasidagi uchrashuvda ishtirok etgan edi. Tomonlar AQSh tinchlik rejasining turli jihatlarini muhokama qildilar. Ishtirokchilar muzokaralarni konstruktiv deb baholadi va taraqqiyotni qayd etdi, biroq aniq kelishuvlarga erishilmadi.
Uchrashuv yakunida Vitkoff tinchlik tashabbusi muhokamasini davom ettirish uchun 1 dekabr kuni Rossiyaga borishini tasdiqladi. AQSh prezidenti Donald Trampning kuyovi, Floridada Ukraina bilan muzokaralarda ham ishtirok etgan Jared Kushner Uitkoff bilan Rossiyaga borishi avvalroq xabar qilingan edi. Dmitriy Peskov o‘z bayonotlarida Kushnerning tashrifini tilga olmagan.
.png "YouTube UZREPORT TV")
