30-aprel kuni O‘zbekistonda sodir bo‘lgan muhim voqealar dayjesti

Prezident Shavkat Mirziyoyev “Moturidiylik – bag‘rikenglik, mo‘tadillik va ma’rifat ta’limoti” mavzusidagi xalqaro ilmiy-amaliy anjuman ishtirokchilariga tabrik yo'lladi

"Buyuk vatandoshimiz asos solgan moturidiylik maktabi va ta’limoti esa e’tiqod borasida asrlar davomida bag‘rikenglik, mo‘tadillik va ma’rifat timsoli bo‘lib kelayotgani tahsinga sazovordir. Bu o‘lmas ta’limot muqaddas dinimizning ezgu g‘oyalarini soxtalashtirish, ulardan g‘arazli maqsadlarda foydalanishga qaratilgan buzg‘unchi harakatlar yangi shakllarda davom etayotgan bugungi kunda yanada dolzarb ahamiyatga ega bo‘lib borayotganini, siz, hurmatli anjuman ishtirokchilari albatta yaxshi tushunasiz va biz buni yuksak qadrlaymiz", deyiladi tabrikda.

Ota-ona qaramog'isiz qolgan 3 nafar bola Rossiyadan O'zbekistonga qaytarildi

29-aprel kuni Moskva shahridagi “Altu­f’yevo” ijtimoiy-reabilitatsiya markazi xodimlari hamrohligida Oʻzbekistonga uch nafar voyaga yetmagan fuqaro qaytarildi.  

Xorazmda sochi o‘rilmagan qizni kaltaklagan maktab direktori ishdan bo‘shatildi

Bu haqda Maktabgacha va maktab ta'limi vaziri Hilola Umarova o'z rasmiy sahifasida xabar berdi.

“Xitoy-Qirg‘iziston-O‘zbekiston” temiryo‘l tunneli qurilishi boshlandi

Qirg‘izistonning Jalolobod viloyatida “Xitoy-Qirg‘iziston-O‘zbekiston” xalqaro temiryo‘lining eng muhim elementlaridan biri – tunnel qurilishi boshlandi.

Ekstremizmni moliyalashtirish Jinoyat kodeksiga kiritiladi

O‘zbekistonda jinoiy daromadlarni legallashtirish bilan bog‘liq jinoyatlar uchun javobgarlikni xalqaro standartlarga moslashtirish bo‘yicha qonun loyihasi ishlab chiqiladi.

Rossiya O‘zbekistonda fuqarolik dronlarini ishlab chiqarishni yo‘lga qo‘yadi

Rossiyaning «Transport budushchego» kompaniyasi 2025-yil oxirigacha O‘zbekistonda fuqarolik dronlarini ishlab chiqaruvchi korxonani ishga tushiradi.

Elektron sigaretalar muomalasi taqiqlanmoqda

Qonun bilan Jinoyat kodeksiga va Maʼmuriy javobgarlik to‘g‘risidagi kodeksga muomalasi taqiqlangan tamaki mahsulotlarini, nikotin yetkazib berishning elektron tizimlarini, shu jumladan elektron sigaretalarni va ular uchun suyuqliklarni ishlab chiqarish, tayyorlash, olish, saqlash, tashish yoki o‘tkazish, shuningdek olib kirish va olib chiqish uchun javobgarlik belgilanishini nazarda tutuvchi o‘zgartirishlar kiritilmoqda.

BMT Oʻzbekistonning Oʻrmonlarni ko‘paytirish va qayta tiklash oʻn yilligi tashabbusini qabul qildi

Hujjatda 2027-yildan 2036-yilgacha bo‘lgan davr o‘rmonlarni tiklash bo‘yicha harakatlar o‘n yilligi deb e’lon qilingan va jahon hamjamiyati bu borada faol choralar ko‘rishga chaqirilgan.

Toshkentda uy-joy ijarasi bozori mart oyida barqaror qolib, narxlarda o‘zgarishlar qayd etilmadi

Poytaxtning Mirobod, Shayxontohur va Yakkasaroy tumanlarida ijara narxi nisbatan yuqoriligicha qolmoqda. Ushbu tumanlarda ijara narxi bir kvadrat metr uchun o‘rtacha $10ni tashkil etadi.

Fuqarolarga yoshga doir pensiyani tayinlash tartibi yengillashtirilmoqda

Qonunda fuqaro pensiya yoshiga yetib, ammo mehnat faoliyatini davom ettirib, keyinroq yoshga doir pensiya olish istagi bo‘lganida, proaktiv shaklda tayinlangan yoshga doir pensiyani rad qilish tartibini joriy etish nazarda tutilmoqda.

May oyida O'zbekiston aholisini qanday ob-havo kutmoqda?

O‘zbekiston hududi bo‘yicha may oyi birinchi o‘n kunligining katta qismida asosan juda iliq va quruq ob-havo bo‘lishi kutilmoqda.

Rossiya Bosh prokuraturasi o‘zbekistonlik migrantlarning huquqlariga rioya etilishi ustidan nazoratni kuchaytirish majburiyatini oldi

O‘zbekiston Bosh prokuror o‘rinbosari Shohrux Aminov rahbarligidagi vazirlik va idoralar delegatsiyasi Moskvada bo‘lib o‘tgan mehnat migratsiyasi va migrantlar huquqlarini himoya qilish masalalari bo‘yicha O‘zbekiston–Rossiya idoralararo ishchi guruhining birinchi yig‘ilishida ishtirok etdi.

O'zbekiston va Kot-d'Ivuar o'rtasida diplomatik munosabatlar o'rnatildi

Nyu-York shahrida O'zbekiston va Kot-d'Ivuar Respublikasi o'rtasida diplomatik munosabatlar o'rnatish to'g'risidagi Qo'shma kommyunike imzolandi.