Tramp: Putin tinchlik istaydi, Zelenskiy kelishuvga to'sqinlik qilmoqda

AQSh prezidenti Donald Tramp chorshanba, 14-yanvar kuni Reuters agentligiga bergan intervyusida Ukrainada tinchlik kelishuviga Moskva emas, balki Kiyev to'sqinlik qilayotganini aytdi. Trampning so'zlariga ko'ra, Rossiya prezidenti Vladimir Putin urushni tugatishga tayyor, Ukraina esa "kelishuv tuzishga unchalik tayyor emas".

AQSh boshchiligidagi muzokaralar Ikkinchi Jahon urushidan beri Yevropaning eng yirik mojarosini nima uchun hal qilmaganligi haqidagi savolga Tramp batafsil ma'lumot bermasdan "Zelenskiy" deb javob berdi.

AQSh razvedkasi: Putin hali ham butun Ukrainani egallab olmoqchi

2025-yil dekabr oyida Reuters manbalarga tayanib, AQSh razvedkasi Vladimir Putin tinchlik o'rnatish istagini ochiqchasiga e'lon qilganiga qaramay, hali ham butun Ukraina ustidan nazorat o'rnatishga harakat qilayotganini baholaganini xabar qildi.

Reuters manbalariga ko'ra, AQSh razvedkasining xulosalari asosan Yevropa razvedka agentliklarining xulosalari bilan mos keladi.

Germaniya tashqi ishlar vaziri Yoxann Vadeful dekabr oyi boshida Rossiya prezidenti Ukraina bilan tinchlik muzokaralarini boshlamaslik uchun doimiy ravishda bahona izlayotganini aytdi. "Shuning uchun men uning tinchlik muzokaralari haqida jiddiy ekanligiga hali ham shubha qilaman", dedi Germaniya tashqi ishlar vaziri.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 11512 | Инструменты