Rossiya Tojikistonning elektr energiyasidan 297 million dollar qarzini kechadi
Rossiya va Tojikiston «Barqi Tojik» energetika kompaniyasining Sangtuda-1 GES oldidagi 297 million dollarlik qarzidan kechishga kelishib oldi. Bu haqda Tojikistonning «Xovar» axborot agentligi xabar berdi.
Tojikiston parlamenti quyi palatasi «Sangtuda-1» gidroelektr stansiyasidan foydalanish bo‘yicha hukumatlararo kelishuvga o‘zgartirishlarni ma’qulladi. Aksiyalarining 75 foizi Rossiyaga, 25 foizi Tojikistonga tegishli. Stansiya elektr energiyasini faqat «Barqi Tojik» davlat kompaniyasiga yetkazib beradi.
Yangi kelishuvga ko‘ra, 2025 yildan 2034 yilgacha «Barqi Tojik»ning 2024 yil oxirigacha to‘plangan 3,257 milliard somoniy (taxminan 297 million dollar) qarzi bosqichma-bosqich hisobdan chiqariladi.
Elektr energiyasi tarifi yarmidan ko‘proqqa pasaytiriladi – 3,168 sentdan 1,5 sentgacha, keyin esa 2032 yilga borib 2,2 sentgacha oshiriladi. Kelgusida, 2033 yildan 2048 yil oxirigacha tarif 3,3 sent darajasida qoladi. Tomonlarning ushbu obektga kiritgan investitsiyalarini qoplash muddati 20 yildan 35 yilgacha uzaytirildi: 2034 yildan 2048 yilgacha.
Sangtuda-1 GES loyiha quvvati 670 Mvt bo‘lib, Tojikistondagi elektr energiyasining qariyb 12 foizini ishlab chiqaradi.
.png "YouTube UZREPORT TV")
