Qirg‘iziston davlat muassasalarida tunda yoritishni tartibga solish orqali oyiga 40 mln kVt/soat energiya tejaladi
Qirgʻiziston Respublikasi Vazirlar Mahkamasi energiya samaradorligini oshirish va elektr energiyasidan oqilona foydalanish boʻyicha chora-tadbirlarni joriy etmoqda. Ushbu chora-tadbirlar doirasida maʼmuriy davlat muassasalarida soat 18:00 dan 06:00 gacha ichki va tashqi yoritish va elektr jihozlarini tegishli ravishda tartibga solish toʻgʻrisida qaror qabul qilindi.
Ushbu choralar binolarning texnologik ishlashi uchun muhim boʻlgan jarayonlarga taʼsir qilmaydi, shuningdek, ular kuniga 24 soat ishlaydigan va mudofaa, xavfsizlik, sogʻliqni saqlash, ijtimoiy himoya va davlat xizmatlarini koʻrsatuvchi strategik obyektlar va tashkilotlarga ham taalluqli emas.
Ushbu chora-tadbirlarning amalga oshirilishi energiya samaradorligini sezilarli darajada oshirishi kutilmoqda, natijada oyiga taxminan 40 million kilovatt-soat tejashga erishiladi.
Shuni taʼkidlash kerakki, Qirgʻiziston Respublikasida elektr energiyasi isteʼmoli joriy yilning dastlabki toʻqqiz oyida rekord darajada oʻsib, qariyb 1 milliard kilovatt-soatga oshdi. Bu qisman yangi sanoat korxonalari, ijtimoiy va taʼlim muassasalarining ishga tushirilishi va uy-joy qurilishining kengayishi bilan bogʻliq.
Shu bilan birga, joriy vegetatsiya mavsumi Norin daryosiga suv oqimining kamayishi bilan tavsiflanadi. Hozirgi vaqtda Toktogul suv omboridagi suv hajmi o'tgan yilning shu davriga nisbatan 2 milliard kubometrga kam. Bu holat suv va energiya resurslarini oqilona boshqarishga proaktiv yondashuvni talab qiladi.
Vazirlar Mahkamasining asosiy maqsadi Toktogul suv omboridagi suvdan oqilona foydalanish va energiya uskunalariga yukni optimallashtirish bo'lib, bu butun energiya tizimining ishonchli ishlashi uchun juda muhimdir.
.png "YouTube UZREPORT TV")
