Maduro Trampning AQSH Markaziy razvedka boshqarmasiga Venesuelada maxfiy operatsiyalar o‘tkazishga ruxsat berishiga keskin munosabat bildirdi
Maduro Trampning AQSH Markaziy razvedka boshqarmasiga Venesuelada maxfiy operatsiyalar o‘tkazishga ruxsat berishiga keskin munosabat bildirdi.
"Karib mintaqasida urush boshlanishiga va rejimlarning almashtirilishiga yo‘q deymiz. MRB tomonidan uyushtiriladigan to‘ntarishlarga yo‘l qo‘ymaymiz! Markaziy razvedka boshqarmasining to‘ntarishlari yana qancha davom etadi? Lotin Amerikasi bularni istamaydi, ularga muhtoj emas va bunday harakatlarni rad etadi", — deya taʼkidladi Venesuela prezidenti.
Bundan tashqari, Venesuela Tashqi ishlar vazirligi Vashingtonni xalqaro huquqni buzganlikda aybladi. Vazirlik Trampning Venesuela hududida MRB operatsiyalariga ruxsat berishini “misli ko‘rilmagan holat” va “xalqaro huquqning jiddiy buzilishi” deb atadi.
"Qo‘shma Shtatlar ochiqchasiga Venesueladagi tinchlik va barqarorlikni izdan chiqarishga qaratilgan operatsiyalarni tasdiqlaganini tan oldi", deyiladi vazirlik bayonotida.
.png "YouTube UZREPORT TV")
