Toshkentda "Tez yordam" mashinasiga yo‘l bergan haydovchining jarimasi bekor qilindi
Poytaxt ko‘chalarining birida haydovchi Chilonzor tumani Katta Hirmontepa ko‘chasi 48-uy qarshisida svetoforning taqiqlovchi qizil chirog‘ida o‘zining “Cobalt” rusumli avtomobilida to‘xtab turgan payt ortdan kelgan “Tez yordam” avtomashinasiga qoidani buzib bo‘lsa-da yo‘l bergan.
Oradan ikki kun o‘tgach, uning yashash manziliga jarima qog‘ozi borgan.
— Maxsus baza orqali tekshirilganda ushbu fuqaro o‘z avtotransport vositasida svetoforning taqiqlovchi qizil chirog‘ida to‘xtab turgan vaqt “Tez yordam” avtomashinasiga yo‘l bergani aniqlandi, — deydi Toshkent shahar Yo‘l harakati xavfsizligi boshqarmasi matbuot kotibi Qahramon Xudoyberganov. — Shu sababli holat o‘rganilib, haydovchi qoidani buzgan bo‘lsa ham jarima jazosi o‘rnatilgan tartibda bekor qilindi. Shuningdek, o‘z fuqarolik burchini vijdonan bajargan ushbu fuqaro boshqarmamiz tomonidan taqdirlandi.
.jpg "X factor uzbekistan")
.png "YouTube UZREPORT TV")
