8-may kuni O‘zbekistonda sodir bo‘lgan muhim voqealar dayjesti

Abdug‘affor Qirg‘izboyev Namangan davlat universiteti rektori etib tayinlandi

Namangan davlat universitetiga esa 2020 yil fevralidan buyon Sobitxon Turg‘unov rektorlik qilib kelayotgandi.

Oliy taʼlim vaziri Toshkent davlat tibbiyot universitetida xorijlik talabalar uchun yaratilgan sharoitlarni o‘rgandi

Vazir xorijlik talabalar, xususan, Hindistondan kelgan talaba-yoshlar bilan ochiq va samimiy muloqot o‘tkazdi. Suhbat davomida talabalar universitetda yaratilgan zamonaviy shart-sharoitlardan mamnun ekanliklarini, ta’lim sifati, professor-o‘qituvchilar bilan muloqot va yashash imkoniyatlari borasida ijobiy fikrlarni bildirdilar.

Andijonda Farg‘ona kanali qirg‘og‘i o‘pirilib, suv toshib chiqdi

Andijon viloyati Buloqboshi tumani Sarvontepa MFY hududidan oqib oʼtuvchi Janubiy Fargʼona kanali qirgʼoqlarining biriga shikast yetganligi natijasida ma'lum miqdorda suv sizib chiqqan.

O'zbekiston va Janubiy Koreya temir yo'l sohasida qo'shma loyihalar amalga oshiradi

O'zbekiston transport vaziri o'rinbosari Jasurbek Choriyev Koreya milliy temir yo'l idorasi bosh direktori Li Son Xe boshchiligidagi delegatsiya bilan muzokara o'tkazdi.

Yil oxirigacha firibgarlarning soxta qo‘ng‘iroqlarini cheklash tizimi joriy etiladi

Markaziy bank kiberjinoyatlarni sodir etishda o‘zlarining bank hisobraqami, bank kartalari hamda elektron hamyonlari bo‘yicha ma’lumotlarini taqdim etgan shaxslar (drop) reyestrini yuritadi.

Prezident Shavkat Mirziyoyev G‘alaba bog‘iga tashrif buyurib, xotira marosimida ishtirok etdi 

"Bular chinakam mardlik va qahramonlik solnomasidir. Bunday murakkab va shonli g‘alabaga munosib hissa qo‘shgan matonatli xalqimiz bilan har qancha faxrlansak, arziydi. Bu qahramonliklarni hech qachon unutmasligimiz, yoshlarimizga yetkazishimiz kerak. Ayniqsa, hozirgi tahlikali zamonda buning ahamiyati nihoyatda katta. Hammamiz vatan himoyasiga har kuni tayyor bo‘lishimiz kerak", – dedi Shavkat Mirziyoyev.

Otabek Xolboyev O'zbekiston Harbiy prokurori etib tayinlandi

Prezidentning tegishli farmoniga asosan adliya katta maslahatchisi Otabek Xolboyev Bosh prokurorning o‘rinbosari – O‘zbekiston Respublikasi Harbiy prokurori lavozimiga tayinlandi.

Shavkat Mirziyoyev G‘alaba bog‘idagi “Millat fidoyilari” xiyobonida bo‘ldi

"Bu jasur o‘g‘lonlar tahlikali vaziyatda o‘zini o‘ylamay, burchiga sodiq qolib, xalqi uchun jonini fido qilgan. Hozirgi tinchlikda, osmonimiz musaffoligida ularning katta hissasi bor. Oilalari, barcha yaqinlari bilishi kerakki, ular oramizda xuddi tirikdek, nomlari hech qachon o‘chmaydi", dedi prezident.

Endilikda blogerlar majburiyatlari yengillashtirilmoqda

Qonun loyihasida influenser va blogerlar mas’uliyati ajratilib, blogerlar majburiyatlari sezilarli yengillashtirilmoqda.

O‘zbekiston Venetsiya biyennalesida yana ishtirok etmoqda

"Bu Venetsiya biyennalesidagi beshinchi ekspozitsiyamiz. Har safar biz ona yurtimizning ko‘z ilg‘amas qadriyatlarini, tarixga ehtirom, ilm-fanga bo‘lgan muhabbatini ko‘rsatib, jahon hamjamiyatini hayratga solishda davom etamiz" deya yozgan Saida Mirziyoyeva.