13-may kuni O‘zbekistonda sodir bo‘lgan muhim voqealar dayjesti

Endi chet eldan deport qilingan fuqarolarga “zagranpasport” vaqtincha berilmaydi

"Mehnat migratsiyasi jarayonlarini takomillashtirish bo‘yicha qo‘shimcha chora-tadbirlar to‘g‘risida" gi hukumat qarori qabul qilindi.

“Botanika” turar joy majmuasi qurilishi tadbirkorlar eʼtirozi sabab to‘xtatiladigan bo‘ldi

Toshkent shahrining Mirzo Ulug‘bek tumani hududida joylashgan eski sanoat zonasi hududida qurilayotgan “Botanika” turar joy majmuasi qurilishi hududdagi tadbirkorlarning eʼtirozi sabab to‘xtatildi.

O‘zbekiston Respublikasi Prezidentining “El-yurt umidi” stipendiyasi joriy etiladi

Farmonga ko‘ra, bakalavriat, magistratura va doktorantura dasturlari bo‘yicha taʼlim olish uchun eng munosib nomzodlarni saralash maqsadida O‘zbekiston Respublikasi Prezidentining “El-yurt umidi” stipendiyasi joriy etiladi.

Ayrim oilalarning talaba qizlariga maxsus stipendiya to‘lanadi

Farmonga ko‘ra, 2025-yil 1-iyundan “qizil” toifaga kiritilgan oilalarning “aʼlo” baholarga o‘qigan talaba qizlariga bazaviy stipendiyaning 2 baravari miqdoridagi maxsus stipendiya to‘lanadi.

Mubashshir Ahmad Turkiyadan O‘zbekistonga deportatsiya qilindi

O‘zbekiston Ichki ishlar vazirligi Mubashshir Ahmad taxallusi bilan tanilgan diniy ulamo Alisher Tursunovning O‘zbekistonga deportatsiya qilingani va qamoqqa olinganini tasdiqladi.

Istiqbolli kadrlarni tayyorlash bo‘yicha “El-yurt umidi” jamg‘armasi tashkil etiladi

“Iqtidorli mutaxassislarning xorijda taʼlim olishini  qo‘llab-quvvatlash, ularda kasbiy ko‘nikmalarini rivojlantirish va rag‘batlantirishga oid qo‘shimcha chora tadbirlar to‘g‘risida” gi prezident farmoni qabul qilindi.

O‘zbekiston Respublikasi Prezidenti huzuridagi Davlat boshqaruvi akademiyasi qayta tashkil etiladi

Akademiyaning asosiy vazifalaridan biri etib davlat xizmatchilarining malakasini muntazam oshirib borish va qayta tayyorlash, shuningdek, boshqaruv kadrlarini magistratura va oliy taʼlimdan keyingi taʼlim bosqichlarida o‘qitish belgilandi.

Mahalliy reyslar uchun subsidiya barcha rezident aviakompaniyalarga to‘lanadi

O‘zbekistonda mahalliy yo‘nalishlardagi aviaqatnovlarga Uzbekistan Airways uchun belgilangan maxsus tariflar va subsidiya miqdorlari barcha rezident aviakompaniyalarga tatbiq etiladigan bo‘ldi.

Xalq demokratik partiyasi o‘zini parlamentdagi muxolifat fraksiyasi deb e’lon qildi

Xalq demokratik partiyasi elektorati ovozini parlament va hukumatga yetkazish, ularning manfaatlarini samarali himoya qilish hamda mamlakatda kuchli ijtimoiy siyosatni davom ettirish maqsadida o‘zini parlamentdagi muxolifat fraksiyasi deb e’lon qildi.

Uzbekistan Airways: May davomida Maxachqalʼadan Toshkentga parvozlar kechikishi mumkin

Aviakompaniyaga ko‘ra, bu 1-maydan 31-maygacha bo‘lgan Maxachqalʼa — Toshkent reyslariga tegishli. Bu “Haj-2025” dasturining o‘tkazilishi va Maxachqalʼa xalqaro aeroportida yo‘lovchilar oqimining ko‘payishi bilan bog‘liq.