Xasan Shakirov Ixtisoslashtirilgan ta'lim muassasalari agentligi direktoriga o‘rinbosar etib tayinlandi
Vazirlar Mahkamasining tegishli qarori bilan, Xasan Shakirov Maktabgacha va maktab taʻlimi vazirligi tizimidagi Ixtisoslashtirilgan ta'lim muassasalari agentligi direktori o‘rinbosari lavozimiga tayinlandi.
U bunga qadar “Yangi O‘zbekiston” universiteti moliyaviy va ma’muriy ishlar bo‘yicha prorektori vazifasida ishlab kelayotgan edi.
Xasan Shakirov 2001-2016-yillarda Moliya vazirligida mas'ul lavozimlarda, 2016-2020-yillarda Tashqi ishlar vazirligida Moliya-iqtisod boshqarmasi boshlig‘i, 2020-2022-yillarda esa Ixtisoslashtirilgan taʼlim muassasalari agentligida Moliyalashtirish va rejalashtirish bo‘limi boshlig‘i lavozimlarida ishlagan.
2022-2024-yillarda esa Ixtisoslashtirilgan taʼlim muassasalari agentligida boshqarma boshlig‘i vazifasida faoliyat yuritgan.
Eslatib o'tamiz, bundan oldin Sevara Shakirova Ixtisoslashtirilgan ta'lim muassasalari agentligi direktori etib tayinlangani haqida xabar bergan edik.
.png "YouTube UZREPORT TV")
