Huawei 2
Nayrobida BMT Atrof-muhit assambleyasining 6-sessiyasi boshlandi

Ekologiya, atrof-muhitni muhofaza qilish va iqlim oʻzgarishi vaziri Aziz Abduhakimov boshchiligidagi Oʻzbekiston delegatsiyasi 26-fevraldan 1-martgacha Nayrobida (Keniya) boʻlib oʻtayotgan Birlashgan Millatlar Tashkiloti Atrof-muhit assambleyasining (UNEA-6) 6-sessiyasi ochilishida ishtirok etmoqda.

UNEA-6 iqlim o'zgarishi, tabiiy muhit va biologik xilma-xillikning yo'qolishi, shuningdek, ifloslanish va chiqindilarning ko'payishi kabi uch tomonlama sayyoraviy inqirozga qarshi kurashga qaratilgan. Kuchli ilm-fan, siyosiy qat'iyat va jamoatchilik ishtirokiga tayangan holda, Assambleya hukumatlari, fuqarolik jamiyati guruhlari, ilmiy doiralar va biznesga global ekologik siyosatni shakllantirish imkoniyatini beradi.

5 kunlik sessiya dasturidan yalpi majlislar, iqlim o‘zgarishi sharoitida insoniyat faolligi, atrof-muhitning ifloslanishi, biologik xilma-xillikning yo‘qolishi va boshqa dolzarb masalalarga bag‘ishlangan yordamchi tadbirlar, matbuot anjumanlari va yuqori darajadagi muloqotlar o‘rin olgan.

Tadbir davomida Aziz Abduhakimov Assambleya ishtirokchilari bilan atrof-muhitni muhofaza qilish va bioxilma-xillikning yo‘qolishining oldini olish bo‘yicha hamkorlikni mustahkamlashga qaratilgan bir qator uchrashuvlar o‘tkazadi.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga