Xitoy: Rossiyaga qarshi sanksiyalar Xitoy va Yevropa Ittifoqi munosabatlariga zarba berdi
Xitoy Savdo vazirligi Yevropa Ittifoqining Rossiyaga qarshi yangi sanksiyalari Pekin va Bryussel munosabatlariga salbiy ta’sir ko‘rsatayotganini aytdi. Pekin Xitoy-Yevropa Ittifoqi 25-sammitiga tayyorgarlik ko'rmoqda.
Xitoy Savdo vazirligi Yevropa Ittifoqining Rossiyaga qarshi yangi sanksiyalari Pekin va Bryussel o‘rtasidagi munosabatlarga salbiy ta’sir ko‘rsatayotganini aytdi. Bu haqda 21-iyul, dushanba kuni ma’lum qilindi. Gap 18-iyul kuni Rossiyaning Ukrainaga qarshi davom etayotgan tajovuzi munosabati bilan Yevropa Ittifoqida qabul qilingan Moskvaga qarshi cheklov choralarining 18-paketi haqida ketmoqda.
“Yevropa Ittifoqining harakatlari Xitoy va YeI rahbarlari oʻrtasida erishilgan kelishuvlarga ziddir va Xitoy va Yevropa Ittifoqi oʻrtasidagi savdo munosabatlari va moliyaviy hamkorlikka jiddiy salbiy taʼsir koʻrsatadi”, — dedi vazirlik vakili Pekinda jurnalistlarga.
Rossiya "soya" flotining 105 tankeri Bryussel cheklovlari ostida qoldi. Rossiya neftining narxi bir barrel uchun 47,6 dollargacha tushirildi. Xitoyning ikkita banki – Heihe Rural Commercial Bank va Heilongjiang Suifenhe Rural Commercial Bank ham sanksiyalar ro‘yxatiga kiritilgan. Yevropa Ittifoqi maʼlumotlariga koʻra, ushbu moliya institutlari kriptovalyuta operatsiyalari bilan shugʻullangan, bu esa Moskvaga qarshi sanksiyalar samaradorligiga putur yetkazgan.
.png "YouTube UZREPORT TV")
