Yangi Toshkent aeroporti qurilishi hududidagi aholi ko‘chiriladi
Toshkent viloyatining O‘rta Chirchiq va Quyi Chirchiq tumanlari tutash hududida Yangi Toshkent xalqaro aeroporti qurilishi munosabati bilan aholi ko‘chiriladi va aholi xonadonlariga va fermer xo‘jaliklari hududidagi mavjud bino-inshootlariga kompensatsiya to‘lab beriladi.
Bu haqda O‘rta Chirchiq tumani hokimligi tomonidan aholi va fermer xo‘jaliklari rahbarlari bilan muloqot o‘tkazildi.
«Bugun aeroport qurilishi bilan bog‘liq tashkiliy yumushlar doirasida tumani hokimi I.Kasimov Xalqobod mahallasi aholisi hamda hududdagi fermer xo‘jaliklari rahbarlari bilan muloqot o‘tkazdi. Unda aholi xonadonlariga va fermer xo‘jaliklari hududidagi mavjud bino-inshootlariga kompensatsiya to‘lab berilishi, uning tartiblari haqida atroflicha tushuntirish berildi», deyiladi xabarda.
.png "YouTube UZREPORT TV")
