Huawei 2
"O'zbekistondagi uy-muzeylarning faoliyatini qayta ko‘rib chiqib, ularni mazmun va sifat jihatidan yangi bosqichga ko‘tarish vaqti keldi" - Saida Mirziyoyeva

Prezident yordamchisi Saida Mirziyoyeva Toshkentdagi G‘afur G‘ulom, Tamaraxonim, O‘rol Tansiqboyev, Sergey Yesenin va Sergey Borodin uy-muzeylariga bordi

"Men Toshkentdagi beshta diqqatga molik maskan: G‘afur G‘ulom, Tamaraxonim, O‘rol Tansiqboyev, Sergey Yesenin va Sergey Borodin uy-muzeylariga tashrif buyurdim. Ularning har biri madaniyatimiz va tariximiz zarvaraqlaridagi betakror sahifadir.

Mazkur muzeylar O‘zbekiston madaniy merosining boyligi va xilma-xilligini teranroq anglashga yordam beradi. Ushbu xotirani saqlash mushtarak masʼuliyatimiz va vazifamizdir.

Afsuski, tashrif davomida poytaxtimizdagi barcha uy-muzeylar rekonstruksiyaga muhtoj ekani maʼlum bo‘ldi. Bunday muzeylarga ko‘maklashish va qo‘llab-quvvatlashda madaniyatga homiylik institutini rivojlantirish juda muhim. O‘z navbatida ishontirib aytamanki, buyuk ijodkorlar xotirasini o‘zida saqlagan barcha madaniyat muassasalari qiyofasini tiklash va holatini yaxshilash bo‘yicha tez orada zarur choralar ko‘riladi", - deya yozgan Saida Mirziyoyeva

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga