O'zbekiston va Xalqaro atom energiyasi agentligi yadroviy infratuzilmani rivojlantirish bo'yicha hamkorlik istiqbollarini kelishib oldi
Xalqaro atom energiyasi agentligi bosh qarorgohida agentlik ekspertlari va O'zbekiston delegatsiyasi o'rtasida 2025-2027-yillarga mo'ljallangan kompleks ish rejasini amalga oshirish masalalari bo'yicha ikkinchi maslahatlashuvlar bo'lib o'tdi.
Maslahatlashuvlar davomida O'zbekiston yadroviy infratuzilmasini rivojlantirishning ustuvor yo'nalishlari, jumladan, normativ-huquqiy baza, xavfsizlik, kadrlar tayyorlash va ekologik jihatlarini ta'minlash masalalari muhokama qilindi.
2026-yilda amalga oshiriladigan Yadro infratuzilmasini kompleks ko'rib chiqish missiyasi, jamoatchilik muhokamasini o'tkazish va kichik modulli reaktorlarni rivojlantirishga alohida e'tibor qaratildi.
Xalqaro atom energiyasi agentligi vakillari O'zbekistonning bu boradagi kompleks yondashuvini yuqori baholab, kelgusida texnik hamkorlikni davom ettirishga tayyorligini bildirdi.
.png "YouTube UZREPORT TV")
