O‘zbekistonning tog‘oldi va tog‘li hududlarida sel-suv toshqini xavfi e’lon qilindi
22−23-noyabrda O‘zbekistonning tog‘oldi va tog‘li hududlarida sel-suv toshqini hodisalari yuzaga kelishi mumkin. Bu haqda O‘zgidromet xizmati agentligi rahbari direktori Sherzod Habibullayev ogohlantirdi.
Ma'lum qilinishicha, 21−23-noyabr kunlari O‘zbekiston hududiga nam va sovuq havo massalari kirib kelishi kutilmoqda. 21-noyabrda Qoraqalpog‘iston Respublikasida, Xorazm, Buxoro, Navoiy viloyatlarida, 22-noyabrda respublikaning katta qismida, 23-noyabrda Farg‘ona vodiysi viloyatlarida yomg‘ir yog‘adi.
22-noyabrda Toshkent, Samarqand, Jizzax, Sirdaryo, Qashqadaryo viloyatlarida, 23-noyabrda Farg‘ona vodiysi viloyatlarida ba’zi joylarda kuchli yomg‘ir yog‘adi.
22−23-noyabrda respublikaning tog‘li hududlarida yog‘ingarchilik (yomg‘ir, qor), ba’zi joylarda kuchli bo‘ladi.
Respublika bo‘ylab 21−22-noyabrda ba’zi joylarda shamol tezligi 15−20 m/s gacha kuchayishi kutilmoqda, 22−25 m/s gacha kuchayishi mumkin, ayrim joylarda chang-to‘zonlar bilan kuzatiladi.
Havo harorati 22−24-noyabrda +13…+18 darajagacha, ba’zi joylarda +10…+12 darajagacha pasayadi. 23−24-noyabr kunlari kechasi harorat +3…+6 daraja iliqqacha pasayadi, shimolda −1…−3 daraja sovuqqacha bo‘lishi mumkin.
.jpg "X factor uzbekistan")
.png "YouTube UZREPORT TV")
