GM Uzbekistan sinov tariqasida 28 ta Chevrolet Tracker avtomobilini yig'di
Ommaviy ishlab chiqarish, avtomobil xususiyatlari va narxlari ishlab chiqarish jarayoni to'liq yo'lga qo'yilgach ma'lum qilinadi.
«GM Uzbekistan» AJ modellar qatorini yangilash borasidagi global strategiyasiga muvofiq, «GM Uzbekistan» AJ «GM Korea» bilan hamkorlikda kompaniyaning Toshkent shahridagi filialida «Tracker» modelini yirik uzelli yig'ish ishlarini olib bormoqda. Bu haqda jamiyat veb-saytida xabar qilinmoqda.
Ushbu modelni ishlab chiqarishni amalga oshirish, shuningdek Toshkent shahridagi «GM Uzbekistan» filialiga uskuna va butlovchi qismlarni yetkazib berish bo'yicha kompaniyalar o'rtasida bir qator shartnomalar imzolangandi. Sinov ishlab chiqarish doirasida ayni damda 28 dona «Tracker» avtomobili yig'ildi.
Aytish joizki, «Tracker» avtomobilini dastlabki yirik uzelli yig'ish muvaffaqiyatli amalga oshirildi. Ommaviy ishlab chiqarish yo'lga qo'yilishi sanasi, shuningdek avtomobil xususiyatlari va narxlari haqida batafsil ma'lumot barcha ishlab chiqarish jarayoni yo'lga qo'yilgandan so'ng ma'lum qilinadi.
.png "YouTube UZREPORT TV")
