Amanbay Orinbayev Qoraqalpog'iston Jo‘qorg‘i Kengesi Raisi lavozimiga saylandi
Amanbay Orinbayev Qoraqalpog'iston Jo‘qorg‘i Kengesi Raisi lavozimiga saylandi
Shavkat Mirziyoyev Qoraqalpog‘iston Respublikasi Jo‘qorgi Kengesining navbatdan tashqari 34-sessiyasida ishtirok etayotgani to‘g‘risida xabar bergan edik. Sessiyada Qoraqalog'iston Oqsoqollar kengashi Jo‘qorg‘i Kenges Raisi lavozimiga Amanbay Orinbayevning nomzodini tavsiya etishdi.
Shundan so'ng, Prezident Amanbay Orinbayevning rahbarlik qobiliyati, vatanparvarligi va insoniy fazilatlarini, shuningdek, hududni rivojlantirish borasidagi takliflarini hisobga olib, uning nomzodiga o‘z roziligini bildirdi.
Jo‘qorg‘i Kenges Raisini saylash masalasi ovozga qo‘yildi. Yashirin ovoz berish yo‘li bilan Amanbay Orinbayev bir ovozdan Qoraqalpog‘iston Respublikasi Jo‘qorg‘i Kengesi Raisi lavozimiga saylandi.
"Amanbay Orinbayev adolat, sadoqat, halollik, mas’uliyat, tashabbuskorlik va fidoyilikni o‘z faoliyatining eng muhim mezonlari sifatida belgilab olib, saylangan lavozimida Qoraqalpog‘iston ahliga sidqidildan xizmat qilishi va o‘ziga bildirilgan ishonchni oqlashi lozim", - deya ta'kidladi Prezident.
Ma'lumot o'rnida, Amanbay Orinbayev hozirda Qoraqalpog‘iston Respublikasi Vazirlar Kengashi Raisining Ekologiya va Orolbo‘yi hududlarini rivojlantirish masalalari bo‘yicha birinchi o‘rinbosari bo‘lib ishlamoqda.
Bunga qadar esa u Qoraqalpog‘iston Respublikasi Ichki ishlar vaziri lavozimida faoliyat yuritgan.
.png "YouTube UZREPORT TV")
