Sizlarni har doim eng qiziqarli yangiliklardan xabardor qilish maqsadida yangi xabarlar haqida ogohlantirishimiz mumkin.
Xonanda Imron kam pul yig‘ilgani bois konsertga chiqmagani haqida tarqalgan xabarlar bo'yicha tushuntirish berdi
Ijtimoiy tarmoqlarda Farg‘ona viloyatining Rishton tumanida xonanda Imron ikki ming odam yig‘ilgan stadiondagi konsertga sotilgan chiptadan kam pul yig‘ilgani uchun chiqmagani haqida xabarlar tarqaldi.
“Imronning bugun, 18-noyabr kuni soat 11:00 da Farg‘ona viloyatining Rishton tumanidagi stadionda konserti belgilangan edi. Biletlar sotilgan, biroq ikki mingga yaqin muxlislari dastur boshlanishini stadionda ikki soat kutgan. Lekin Imron chiqmagan, xalq norozi bo‘lgan”, — deyiladi xabarda.
Holat yuzasidan Imron tushuntirish bergan. Uning aytishicha, sog‘lig‘ida muammo bo‘lgani bois konsertni boshqa kunga qoldirishga majbur bo‘lgan.
“Mazam bo‘lmay qoldi, issiq jon. Sizlardan ming bor uzr so‘raymiz. Ertaga konsert juda ham zo‘r bo‘ladi”, — degan xonanda.
Konsert dasturi bugun, 19-noyabr kuni soat 11:00 da boshlangan.
Baholash:
4
3
Izohlar: 0
Siz identifikatsiyadan o'tmadingiz
Ro'yxatdan o'tish yoki Kirish
Ro'yxatda bo'lmay turib izoh qo'shish
.jpg "X factor uzbekistan")
.png "YouTube UZREPORT TV")
