Huawei 2
Olimlar uyqusizlikdan qutulish yo‘lini topdi

Amerikalik olimlarning so'nggi tadqiqotlari shuni ko'rsatdiki, sichqonlarda bitta proteinni bostirish uyqu sifati va uning davomiyligini yaxshilashi mumkin. Bu uzoq muddatli uyqusizlikka qarshi dori-darmonlarni yaratish uchun yangi imkoniyatlar eshigini ochadi va tibbiyot sohasida sezilarli muvaffaqiyat bo'lishi mumkin. 

Uzoq vaqt davomida chuqur uyqu asosiy fiziologik zarurat ekanligi ma'lum bo'lib, uning yetishmasligi tananing faoliyatida jiddiy buzilishlarga olib keladi. Shu sababli AQSh olimlari chuqur uyqu paytida miyada sodir bo'ladigan hodisalarni o'rganishga qaror qilishdi. Ular sichqonlarda uyqu-uyg'onish siklini boshqaradigan neyronlarni tadqiq qilishga e'tibor qaratdilar. Tadqiqot davomida miyaning ushbu sohasida delta ritmi - chuqur uyquga xos bo'lgan elektr signallari shakllanganligi aniqlandi.

Olimlar sichqonlarda markaziy asab tizimidagi retseptorlardan birining funksiyasi bilan bog‘liq bo‘lgan genni o‘chirish uchun CRISPR-Cas9 genini tahrirlash usulidan foydalanishdi. Natijada, ular delta to'lqinlari faolligining ortishi va chuqur uyqu sifatining yaxshilanishini guvohi bo'ldi.

Tadqiqot mualliflarining ta'kidlashicha, bu ma'lumotlar uyqu buzilishini davolashda yangi yondashuvlarni ishlab chiqish uchun asos bo'ladi.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga