Ekvador sobiq bosh vazir oʻrinbosari bilan bogʻliq vaziyat yuzasidan BMT sudiga Meksikaga qarshi daʼvo qoʻzgʻatdi

Ekvador mamlakatning sobiq bosh vazir o‘rinbosari Xorxe Glasga berilgan boshpana munosabati bilan “bir qator xalqaro majburiyatlarni buzgani” uchun Gaagadagi Xalqaro sudga Meksikaga qarshi da’vo arizasi berdi. Bu haqda Ekvador TIVning X (sobiq Twitter)da e'lon qilingan bayonotida aytiladi.

“Bugun Ekvador bir qator xalqaro majburiyatlarni buzgani uchun Meksikaga qarshi Gaagadagi Xalqaro sudga da’vo arizasi bilan murojaat qildi”, — deyiladi hujjatda.

Ekvador hukumati sudni, xususan, vaziyatga oydinlik kiritish va “Meksika Qo'shma Shtatlari boshqa davlatning ichki ishlariga aralashmaslik, diplomatik vakolatxona binolaridan to'g'ri foydalanish bo'yicha xalqaro majburiyatlarini bajarmaganligini e'lon qilishga chaqirdi. 

Shuningdek, Meksika, Ekvadorning da'vo arizasida ta'kidlanganidek, "boshqa davlatda sud va tergov ostida bo'lgan shaxslarga siyosiy boshpana berish va ularni mahalliy hokimiyatlarga topshirmaslik nuqtai nazaridan o'z majburiyatlarini bajarmadi". 

Shuning uchun Ekvador sudni "Meksika rasmiylariga noqonuniy xalqaro harakatlarining huquqiy oqibatlarini baholash va tushuntirishga" chaqirdi.

Avvalroq, Meksika Gaagadagi Xalqaro sudga Ekvadorga qarshi da'vo arizasi bilan Kitoni BMTdan chiqarib yuborishni va shuningdek, "xalqaro majburiyatlarni buzganligi sababli yetkazilgan zarar uchun" aybdor deb topilishini talab qilgan edi.

5-aprel kuni Meksika rasmiylari Meksikaning Kitodagi elchixonasi hududida yashirinib yurgan Ekvador sobiq vitse-prezidenti Xorxe Glasga siyosiy boshpana berilganini e'lon qildi. Siyosatchi korrupsiya ishida ayblanmoqda. Avvalroq, diplomatik missiya Glasni hibsga olish uchun politsiyani o‘z hududiga kiritishdan bosh tortgan edi. O‘sha kuni kechqurun Ekvador politsiyasi Meksikaning Kitodagi elchixonasiga bostirib kirib, Glasni hibsga oldi. Meksika tashqi ishlar vazirligi rahbarining so‘zlariga ko‘ra, hujum paytida diplomatlar jarohatlangan.