Dog'iston rahbari: Terror xurujlari vaqt va maqsadlar bo‘yicha muvofiqlashtirilgan

23-iyun kuni Derbent va Maxachqal’a shaharlarida sodir etilgan teraktlar vaqt va maqsadlar bo‘yicha muvofiqlashtirilgan. Bu haqda Dog‘iston rahbari Sergey Melikov Rossiya OAVga ma’lum qildi.

“Bularning barchasi maqsad, vazifalar va eng muhimi, vaqt nuqtai nazaridan muvofiqlashtirildi. Ko‘rinib turibdiki, banditlar to‘g‘ridan-to‘g‘ri hisob-kitob qilib, bir vaqtning o‘zida to‘rtta terakt amalga oshirib, huquq-tartibot idoralari va xavfsizlik kuchlari harakatlariga tartibsizliklar keltirib, bundan foydalanib, javobgarlikdan qochish va hibsga olishga urinishdan qochishgan”, — dedi u.

U hujumchilarning sheriklarini aniqlash bo'yicha tezkor faoliyat davom etishi kerakligini ta'kidladi.

Respublika rahbari diniy omildan foydalanishni “jamiyatni larzaga solishga urinish” deb atadi.

23-iyun, yakshanba kuni Dog‘iston Respublikasining Derbent va Maxachqal’a shaharlarida noma’lum shaxslar ikkita pravoslav cherkovi, ikkita sinagoga va yo‘l politsiyasi postiga hujum qildi.

Derbentda ruhoniy, Maxachqal’adagi Muqaddas Uspiya sobori o‘qqa tutilishi chog‘ida cherkov qorovuli halok bo‘ldi.

Rossiya rasmiylariga ko‘ra, hujum qilganlardan besh nafari o‘ldirilgan. Dastlabki maʼlumotlarga koʻra, 15 nafar huquq-tartibot xodimi, shuningdek, 4 nafar tinch aholi vakili halok boʻlgan.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 72405 | Инструменты