Toshkentda 11 yoshli qiz tok urishi oqibatida vafot etdi
Avvalroq ijtimoiy tarmoqlarda 11 yoshli qizning elektr toki urishi oqibatida vafot etgani aks etgan video tarqalgan edi.
Toshkent shahar IIBB 30 may kuni taxminan soat 18:00 da poytaxtning Mirobod tumanida fojia sodir bo‘lgani - 11 yoshli qiz vafot etgani haqida xabar berdi.
O‘smir bolalar maydonchasida ishchilar tomonidan qoldirilgan temir narvon yordamida ukasining o‘yinchog‘ini olish uchun savdo do‘konining tom qismiga chiqqan.
U tomdan pastga tushayotganda tom qismining yonidan o‘tgan elektr simiga tegib ketgan, va tok urushi natijasida voqea joyida vafot etgan.
Mazkur holat yuzasidan JKning 257-moddasi 2-qismi “a” bandi (mehnatni muhofaza qilish qoidalarini buzish odam o‘lishiga sabab bo‘lsa) bilan jinoyat ishi qo‘zg‘atilgan. Tergov olib borilmoqda.
.png "YouTube UZREPORT TV")
