Kambag‘allikni qisqartirish va bandlik vazirligining xabar berishicha, 23-aprel kuni 11 nafar tibbiyot xodimi Germaniya davlatiga ishga yuborildi.
Hamyurtlarimiz ushbu davlat klinikalarida faoliyat olib borishi hamda ularga dastlab 2 600 yevro oylik ish haqi to‘lanishi belgilangan.
Ma’lumot uchun, joriy yilning 1-choragida jami 23 535 nafar yurtdoshlarimiz xorijda vaqtincha ishlash uchun chet davlatlarga borgan. Shulardan 356 nafari Germaniya hissasiga to‘g‘ri keladi. Bugun ularning soni yana 11 taga ko‘paydi.