29-aprel kuni O‘zbekistonda sodir bo‘lgan muhim voqealar dayjesti

Andijonda tunnel qaziganlarga hukm o‘qildi

Tergov jarayonida, ushbu yerosti tunnellari orqali Qirg‘iz Respublikasidan olib o‘tilgan turli rusumdagi mobil telefon apparatlari Andijon va Toshkent shaharlaridagi savdo markazlarida sotuvga chiqarilganligi aniqlanib, hozirda mazkur yo‘nalishda tegishli surishtiruv ishlari olib borilmoqda.

Toshkent IIBB Husnora Shodiyeva voqeasiga izoh berdi

YPX xodimining aytishicha, haydovchi yo‘lning bir bo‘lagini to‘sib qo‘yib, tirbandlik hosil qilgan. "Unga masofa uzoqligi uchun baland ovozda gapirishga majbur bo‘ldim, ayolni haqorat qilmadim", dedi xodim.

Pedagog kadrlarni tayyorlashda sirtqi ta'lim shakliga qabul amalga oshirilmaydi

Farmonga ko'ra, 2025/2026-o'quv yilidan pedagog kadrlarni tayyorlash faqat kunduzgi va kechki ta'lim shakli bo'yicha tashkil etilib, sirtqi ta'lim shakliga qabul amalga oshirilmaydi.

Nizomiy nomidagi O‘zbekiston milliy pedagogika universiteti tashkil etiladi

Farmonga ko‘ra, Nizomiy nomidagi Toshkent davlat pedagogika universiteti negizida Nizomiy nomidagi O‘zbekiston milliy pedagogika universiteti tashkil etiladi.

O‘zbekistonda yengil avtomobillar savdosi bir yilda qariyb uchdan biriga kamaydi

Mart oyida O‘zbekiston avtomobil bozorida umumiy sotuvlar pasaydi.

“Yangi O‘zbekiston” universitetida tibbiyot fakulteti tashkil etiladi

Qarorga ko'ra, universitetda Yevropa standartlari asosida Germaniya Federativ Respublikasining oliy taʼlim tashkilotlari bilan hamkorlikda tibbiyot fakulteti tashkil etiladi.

O‘zbekistonda o‘rtacha oylik ish haqi 5,8 mln so‘mni tashkil etdi

O‘zbekistonda 2025-yil yanvar-mart oylarida o‘rtacha oylik ish haqi 5 mln 796,1 ming so‘mni tashkil etib, o‘tgan yilning mos davriga nisbatan 18 foizga o‘sgan.

Nomoddiy madaniy meros namunalarini ro‘yxatga kiritish yoki undan chiqarish bilan bog‘liq davlat xizmatlarini ko‘rsatish tartibi belgilandi

Nomoddiy madaniy meros namunalarini Nomoddiy madaniy meros namunalarining milliy va mahalliy ro‘yxatlariga kiritish yoki ulardan chiqarish, shuningdek, ularning ushbu ro‘yxatlarga kiritilganligi yoki kiritilmaganligi to‘g‘risida belgilangan shakldagi maʼlumotnoma beriladi.

Bo‘sh turgan davlat ko‘chmas mulk obyektlaridan samarali foydalanish tashkil etiladi

Nizom noturar bo‘lgan bo‘sh turgan davlat ko‘chmas mulk obyektlarini aniqlash va xatlovdan o‘tkazish, xatlov natijalarini rasmiylashtirish, bo‘sh turgan davlat ko‘chmas mulk obyektlaridan samarali foydalanish mezonlari va ulardan samarali foydalanishni tashkil etish tartibini belgilaydi.

O‘zbekiston ilk marta BMT Statistika komissiyasi a’zoligiga saylandi

Nyu-Yorkda BMT Statistika komissiyasining 2026-2029 yillarga a’zo davlatlari saylandi. Tarixda ilk marta O‘zbekiston Respublikasi ushbu organ a’zosi etib bir ovozdan saylandi.

Prezident farmoni: Prokuror, ichki ishlar va soliq rahbarlari sektorlar bo‘yicha vazifalardan ozod etiladi

Prokuror, ichki ishlar va soliq organlari rahbarlari sektorlar faoliyati bo‘yicha yuklatilgan vazifalardan ozod etiladi. Bu haqda prezident Shavkat Mirziyoyevning «Korrupsiyaga qarshi kurashish tizimini yana-da takomillashtirish bo‘yicha belgilangan ustuvor vazifalar ijrosini samarali tashkil etishga doir chora-tadbirlar to‘g‘risida»gi farmonida ko‘zda tutilgan.

Tailandga boruvchilar uchun muhim axborot eʼlon qilindi

Tailandga kirishning yangi tartibi joriy etildi. O‘zbekiston TIV mazkur masala yuzasidan bayonot eʼlon qildi.

Amaldorlar uchun daromad va mol-mulk deklaratsiyasi joriy etiladi

“Davlat xizmatchilarining daromadlari va mol-mulkini deklaratsiya qilish to‘g‘risida"gi qonun loyihasini tayyorlash topshirildi. Unda deklaratsiya subyektlari va obyektlari, ma’lumotlar, deklaratsiyani taqdim etish shakli va tartibi, uni tekshirish tartibi belgilanadi.

O‘zbekistonda taʼlim sifati va samaradorligini oshirish loyihasi amalga oshiriladi

Qarorga ko'ra, 2025–2029 yillar davomida zamonaviy standartlar asosida kamida 58 ta maktab quriladi va 72 mingtadan ziyod qo‘shimcha o‘quv o‘rinlarini yaratish orqali sohadagi navbatlilik koeffitsiyentini kamaytiriladi.

Sariosiyo aeroporti ilk texnik reysni qabul qildi

Surxondaryo viloyatidagi Sariosiyo mahalliy aeroportini rekonstruksiya qilish ishlari yakunlandi.

Xorazmda maktab direktori sochini o‘rmagan o‘quvchi qizni kaltakladi

Xorazm viloyatida maktab direktorining dars vaqtida sinf xonalarda biriga kirib, o‘quvchi qizni kaltaklagani aks etgan tasvirlar bo‘yicha viloyat Maktabgacha va maktab taʼlimi boshqarmasi rasmiy munosabat bildirdi.

“Yil o‘qituvchisi” hamda “Kasbiy mahorat yetakchisi” tanlovlari o‘tkaziladi

Tanlovlar yakunlariga ko‘ra g‘olib deb topilgan har bir nomzod QR-kodli sertifikat bilan taqdirlanadi. Sertifikat asosida g‘oliblar BHMning 1 400 baravari (525 mln) ga teng pul mukofoti bilan taqdirlanadi.