20-iyun kuni O‘zbekistonda sodir bo‘lgan eng muhim voqealar dayjesti

Rossiyaga kirishida tekshiruvlar ko‘paygani aytilmoqda. RF TIVga so‘rov yuborildi

O‘zbekistonning Rossiyadagi elchixonasi vatandoshlarga murojaat qildi.

Namanganda sel kelishi oqibatida 16 va 14 yoshli opa-singilni devor bosib qoldi

Singil voqea joyida vafot etdi. Opa esa tan jarohati olib, tuman tibbiyot birlashmasiga yotqizilgan. Holat yuzasidan Chust tuman prokuraturasi tomonidan tergovga qadar tekshiruv harakatlari olib borilmoqda

Turkiyadan O‘zbekistonga sayyohlar oqimi ko‘paymoqda

2024-yilning yanvar-aprel oylarida 31,4 ming nafar Turkiya fuqarolari turistik maqsadlarda O‘zbekiston Respublikasiga tashrif buyurgan.

UzAuto Motors 21-iyun kuni Cobalt uchun kontraktatsiyani ochadi

21-iyun kuni, soat 10:00 da 25 ming dona Chevrolet Cobalt avtomobilining 2024-yilgi ishlab chiqarish hajmi uchun onlayn kontraktatsiya ochiladi. Bu haqda UzAuto Motors xabar berdi.

Toshkent viloyatida 5 yoshli qizchaga tegajog‘lik qilgan erkakka jinoyat ishi qo'zg'atildi

Qizning onasining so‘zlariga ko‘ra, ichki ishlar organlari vaziyatga jiddiy munosabat bildirmagan. Shu sabab Nurafshon IIB profilaktika inspektori xatti-harakatlariga huquqiy baho berish maqsadida xizmat tekshiruvi tayinlangan.

Gaz va elektrdan noqonuniy foydalanish holatlari qaysi hududlarda ko‘proq kuzatilayotgani ma'lum bo'ldi

Mamlakatda ayrim huquqbuzarlar tomonidan hisobot davrida 255 milliard 200 million so‘mlik tabiiy gaz hamda 297 milliard 300 million so‘mlik elektr energiyasidan noqonuniy foydalanilishi natijasida davlat manfaatlariga jami 552 milliard 500 million so‘mlik zarar yetkazilgan.

2024-yil uchun bug‘doy xarid qilish va sotish tartibi tasdiqlandi

Vazirlar Mahkamasining “2024-yil hosilidan bug‘doy xarid qilish va ichki bozorda narxlar barqarorligini ta’minlash chora-tadbirlari to‘g‘risida”gi qarori qabul qilindi.

O‘zbekistonda ayollarning erkaklar bilan bir xil darajada maosh olishini ta’minlash 700 mingdan ortiq odamni kambag‘allikdan chiqarishga yordam beradi – Jahon banki

Jahon banki hisobotiga ko'ra, mamlakatda xizmat uchun haq to‘lashda gender tengsizligi mavjud bo‘lib, ayollar erkaklarga qaraganda 34% kamroq maosh oladi. Bu 20 foiz bo‘lgan global o‘rtacha ko‘rsatkichdan yuqori.

Bo‘stonliqdagi tog‘larda adashib qolgan 4 kishi qutqarildi

Chimyon yong‘in-qutqaruv otryadining bir guruh qutqaruvchilari Toshkent viloyati Bo‘stonliq tumanidagi Kichik Oqsoy tog‘iga sayr qilish maqsadida borib, yo‘ldan adashgan fuqarolarga yordam ko‘rsatdi.

Davlat mulkini ijaraga berish sohasidagi qonunchilikni buzganlik uchun javobgarlik kuchaytirildi

Prezident tomonidan imzolangan qonun bilan Ma'muriy javobgarlik to'g'risidagi kodeksga qo'shimchalar kiritildi.

Budjet muassasalari va tashkilotlari xodimlarini moddiy rag‘batlantirish maxsus jamg‘armasi tashkil etiladi

Budjet muassasalari va tashkilotlari xodimlarini moddiy rag‘batlantirish maxsus jamg‘armasi respublikadagi budjet muassasalari va tashkilotlarida mehnatga haq to‘lash jamg‘armasining 15 foizi miqdorida tashkil etiladi.

Xitoy — Qirg‘iziston — O‘zbekiston temir yo‘l magistralining moliyaviy taqsimoti maʼlum qilindi

Loyihaning umumiy qiymati 4,7 mlrd AQSH dollarini tashkil etadi.

Oliygohlar fundamental tadqiqotlar o‘tkazish bilan cheklangani, iqtisodiyot uchun amaliy ishlanmalar juda kamligi ko‘rsatib o‘tildi

Prezident raisligida muhandislik kadrlarini tayyorlash tizimidagi ustuvor vazifalar yuzasidan videoselektor yig‘ilishi o'tkazilmoqda. Davlat rahbari bugungi murakkab vaziyatda barcha davlatlar ichki resurslarga tayanib, innovatsiyaga intilayotganini qayd etdi.

"Muhandislarning 60 foizi o‘zi o‘qigan yo‘nalishida ishlamayapti" — Shavkat Mirziyoyev

Hokimlar o‘z hududida aniq mutaxassisga shuncha ehtiyoj bo‘la turib, rektorlar bilan ishlamayotgani, oliygohlarga buyurtma bermayotgani tanqid qilindi.

Chirchiq daryosida hushsiz holda oqib ketayotgan fuqaro qutqarib qolindi

Ma’lum bo‘lishicha, ushbu fuqaro baliq tutish maqsadida daryoga borganda oyoq kiyimi suvga tushib ketgan va uni olaman deb tushgan vaqtda daryo suvi tez oqayotganligi sababli muvozanatni yo‘qotib o‘zi ham oqib ketgan.

2023-yil so‘rovnomasida atigi 8 foiz maktab bitiruvchisi muhandislik sohasini tanlagan

Xorijiy oliygohlarda “tannarx muhandisligi” degan fan bor, hatto kadrlar tayyorlanadi. Yoki, “qiyoslash muhandisligi” orqali eng yaxshi amaliyot va yutuqlar tahlil qilinib, ulardan andoza olib, ishlab chiqarishda joriy qilish o‘rgatiladi. “Qayta muhandislik” tayyor mahsulotni olib, ishlash mexanizmini bo‘laklarga bo‘lib, mualliflik huquqini buzmagan holda, o‘xshash mahsulot yaratishni o‘rgatadi. Shavkat Mirziyoyev birorta texnika oliygohida bularga o‘qitish yo‘lga qo‘yilmaganini afsus bilan qayd etdi.

Xitoy kompaniyasi Farg‘onada qiymati $1,5 mlrdlik avtomobil zavodi quradi

Xitoyning "China Xiaou Group" kompaniyasi bilan muzokaralar o‘tkazilib, viloyat hududida 3 bosqichda 1,5 mlrd dollar to‘g‘ridan to‘g‘ri Xitoy investitsiyasi hisobiga yirik avtomobilsozlik majmuasini barpo etish loyihasini amalga oshirish yuzasidan kelishuv imzolandi.

2050-yilga borib O‘zbekistonda suv tanqisligi 15-25 foizga yetishi mumkin

Makroiqtisodiy va hududiy tadqiqotlar instituti mutaxassislari gidrogel va suv tanqis bo‘lgan hududlarda undan foydalanish imkoniyatlarini tahlil qildi.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 72405 | Инструменты