Syerra-Leonening O'zbekistondagi birinchi elchisi akkreditatsiyadan o'tdi
O'zbekiston tashqi ishlar vaziri Baxtiyor Saidov bugun Syerra-Leonening mamlakatimizdagi birinchi elchisi Muhammad Yongavoni qabul qildi, deb xabar bermoqda "Dunyo" AA.
"Syerra-Leone Respublikasining O'zbekistondagi Favqulodda va Muxtor Elchisi etib tayinlangan Muhammad Yongavo janoblarini qutlashdan va uning ishonch yorliqlarini qabul qilishdan mamnunmiz, – deb yozdi O'zbekiston TIV rahbari o'zining telegram kanalida. – Ikki tomonlama aloqalarimizni boyitish uchun hali foydalanilmagan ulkan salohiyat mavjud. Janob Elchiga mamlakatimizdagi faoliyati davomida barcha sohalardagi keng imkoniyatlarni o'rganishda muvaffaqiyatlar tilaymiz".
Eslatib o'tamiz, O'zbekiston va Syerra-Leone o'rtasida 2023-yil 28-aprelda diplomatik munosabatlar o'rnatilgan edi. Nyu-York shahrida O'zbekiston va Syerra-Leonening BMTdagi doimiy vakillari tomonidan Qo'shma kommyunike imzolandi. Syerra-Leone Respublikasi O'zbekiston bilan diplomatik munosabatlar o'rnatgan 143-davlat bo'ldi.
.jpg "X factor uzbekistan")
.png "YouTube UZREPORT TV")
