Kuryerlik jo‘natmalari orqali 1 kg.ga yaqin "gashish" giyohvandlik vositasi yuborilgani fosh qilindi

Bojxona qo‘mitasining Kontranbandaga qarshi kurashish boshqarmasi, "Toshkent-AERO" IBK tezkor tuzilmalari va "Elektron tijorat" bojxona posti xodimlari tomonidan Davlat xavfsizlik xizmati bilan hamkorlikda ko‘p bosqichli tezkor tadbir o‘tkazildi.

Natijada 2 ta holatda xorijdan yuborilgan jo‘natmalardan birining ichida 414 gr, yana birida esa 490.5 gr. og‘irlikdagi "gashish" giyohvandlik vositasi borligi aniqlandi.

Har ikkala holatda ham "gashish" giyohvandlik vositasini internetdagi narkodo‘konlardan birining kuratori va hozirda Tailandda istiqomat qilayotgan 32 yoshli fuqaro tomonidan jo‘natilgan.  

Ma’lumot uchun "Elektron tijorat" tashqi iqtisodiy faoliyat bojxona posti xodimlari 2023-2025-yillarda 73 ta holatda  xalqaro pochta va kurerlik jo‘natmalari orqali 14 kg.ga yaqin giyohvandlik vositalari, 150 kg.dan ziyod psixotrop va kuchli ta’sir qiluvchi moddalarni olib o‘tishga urinishlarga chek qo‘ygan.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 112921 | Инструменты